Սկանդինավյան Տեսանյութեր

Արևն ունի մեկ աչք և այդ մեկ աչքով կարողանում է տեսնել շուրջ բոլորը, ինչպես նաև լույս սփռել իր տիրապետության տակ գտնվող անմոլոր և մոլորյալ երկնային մարմիններին, ներառյալ մեզ՝ երկրաբնակներիս: Այդ լույսի շնորհիվ է, որ մենք կարողանում ենք տեսնել մեզ, բնությունը, ճանաչել մեր շրջապատում հայտնված մարդկանց, շնչավոր ու անշունչ էակներին ու նյութերը: Տեսախցիկների ի հայտ գալով մենք կարողացանք առանց ջանք գործադրելու, առանց երկրե երկիր տեղափոխվելու, ճանապարհ ընկնել ու տեսնել հեռավոր անկյուններում տեղի ունեցող միջադեպերն ու իրադարձությունները: Արդ ուրեմն թող այդ տեսախցիկների շնորհիվ կյանքի կոչված տեսանյութերի մեզ հասանելիք չափաբաժինը տեղ գտնի մեր կայքի հենց այս բաժնում ու մեզ օգնի բացահայտել սկանդինավյան անզուգական աշխարհի զարմանահրաշ բնության ողջ գունապնակը: Սկանդինավյան տեսանյութերից կընտրենք ամենահաջողվածները, որոնց շնորհիվ մեր առաջ կբացվեն անգամ սկանդինավյան աշխարհի դեռևս չբացահայտված ու առեղծվածային գաղտնիքները... Քվանտային զարգացման փուլ մտնող ապագա աշխարհի նախաշեմին ենք: Շուտով երազները կարող են կառավարելի դառնալ և մեզ ժամանակի մեջ տեղափոխվելու հնարավորություն ընձեռնել: Եթե ինձ այդպիսի հնարավորություն ընձեռնվեր, ես կնախընտրեի տեղափոխվել բևեռային դյութիչ փայլերի աշխարհ ու ըմբոշխնել տիեզերական մասնիկների ձայներից ձևավորված ծիսական սիմֆոնիան: Սկանդինավյան աշխարհի Տեսանյութեր բաժինը ձեզ կտա այդ հնարավորությունը... Էանում ենք երազելով: