Սկանդինավյան Խոհանոց

Սկանդինավյան խոհանոցն աշխարհին ներկայանում է իր այլազան ծովամթերքով և հարուստ ձկնատեսակներով: Սակայն կան բազմաթիվ ճաշատեսակներ և յուրահատուկ խորտիկներ, որոնց մասին կուզենայինք որոշակի պարզաբանումներ տալ մեր ընթերցողին և, ինչո՞ւ ոչ, կիսվել դրանց բաղադրատոմսերով: Թերթելով սկանդինավյան դիցաբանության էջերը, կարող ենք ծանոթանալ նաև վիկինգների խոհանոցում մեծ տարածում գտած կերակրատեսակներին: «Ավագ Էդդա» սկանդինավյան հանրահայտ էպոսի երգերում կարող եք մասնակի ծանոթություններ ստանալ սկանդինավյան խոհանոցի մասին: Ասիայից դեպի Սկանդինավիա ժամանած հին սկանդինավյան դիցարանի աստվածների հիմնական երկու խմբերը՝ ասերը և վաները, հիմնականում որսամսով և ձկնորսությամբ զբաղվող հյուսիսցի տեղաբնակներին բերելով ձիաբուծության, երկաթի և ոսկու մշակման արհեստները, չեն մոռացել նրանց ծանոթացնել հողագործության կատարելագործման և հացահատիկի մշակման գաղտնիքներին: «Սկանդինավյան խոհանոց» բաժնի հոդվածներում մենք հնարավորություն կունենանք անդրադառնալ առասպելներում, ավանդազրույցներում և սկանդինավյան հեքիաթներում ու առակներում տեղ գտած կերակրատեսակների նկարագրություններին, կպատմենք հատկապես ավանդական ուտեստների մասին, որոնք մինչ այժմ լայն կիրառություն ունեն սկանդինավյան ընդգրկուն աշխարհի երկրներում և կղզիներում: Զինվեք համբերությամբ և հետևեք մեզ... Երազանքները իրականանալու հատկություն ունեն... Էանում ենք երազելով...